Sapno Ki Nagri - Buddhi

Song Rating: 9.84/10

Song lyrics:

Intro
Ye hai sapno ki nagri
yahan kai tarah log milenge
Unsabke ooper main hun

Verse 1
Buddhijeev, main jaanta hun sabkuch
parwah nahi akela hun main sabkuch
Aankhen uthake dekh barbaad kardun tujhko
aese hi nahi bhagwaan kehta khudko
Pohoch chaaro ore bach sakta nahi
Tadapta dekhker rokne wale ko main thakta nahi
Hasta hun munh per mazaak lagta hai mujhko
sapna anariyo ke aage jaane ka
Inko dabane ka tarika mera manoranjan
Kitno ke sapno ki laashe jalti hain mere ghar per
aur main haath sekta hun jalti aag mein sharab phekta hun
Haath jodker khade ho jaate saare tu bhi sar jhuka
mar chuka jo zubaan ladaye mujhse
jo aata hai yahan ho jaata hai mera
Main hun raja, bhaag koi sakta nahi mujhse

Interlude
Woh itni taaqat ko dekhker paagal ho gaya tha
woh bhi yahi banna chahata tha


Uski Chamakti hatheli ko mehsoos karna chahata tha
Woh haath bada hi raha tha ke
Woh Aaya...

Verse 2
Buddhiheen, main jaanta kuch nahi
mujhe seekhna pasand hai bheegna pasand hai
barsaat mein
rakhta hun bharosa mehnat mein toh kya bolengi
ye jo lakeere hain mere haath mein
Maaf kar raha hun sabki glatiya
khush hun bohot jo sabne mujhe theek kaha
matlab ki main behter ban sakta hun
bologe toh tumhari madad kar sakta hun
Hamari zindgi hai jaise indrdhanush
woh zindigi hi kya jismein rang nahi
Khushi ka rang peela zaruri hai laal bhi
zaruri hai haar bhi sachmein
Ye jo sapno ki nagri yahan per aate hain laakho
per samajhpate hain kuch hi
ki padta nahi farak jeet ya haar se
Saath milker samajh sakte hain
ya toh alag raste chal sakte hain
agar chaloge akele toh rakhna bada dil
Kyonki yakeen hai mujhe aane wala hai bada din

Date of text publication: 17.01.2021 at 07:56